Любоў да роднай мовы, бацькаўшчыны прыходзіць праз веданне літаратуры, гісторыі і культуры сваёй Радзімы. У родным слове мы знаходзім прыгажосць, яно саграве нашу душу і выклікае захапленне. У бібліятэцы Кадзінская школы мноства цікавых кніг для вучняў рознага ўзросту на беларускай мове. І нам, настаўнікам, так хочацца, каб дзеці часцей наведвалі чытальную залу. Бібліятэка – гэта не проста памяшканне, а месца, дзе чалавек вучыцца думаць і разважаць, месца спрэчак і шчырых гутарак, месца правядзення літаратурных гульняў і віктарын.
Зусім нядаўна ў школьнай бібліятэцы прайшла інтэлектуальная гульня “Я ведаю” для вучняў 5-х класаў.Мэта мерапрыемства – паглыбленне ведаўпа беларускай мове і літаратуры, краязнаўству і этнаграфіі. Вучні прадэманстравалі эрудыцыю і ў галіне гісторыі роднага краю. Гульня прайшла “на адным дыханні”.Адказы на пытанні ў пяці намінацыях паказалі, наколькі добра ведаюць пяцікласнікі творы беларускіх пісьменнікаў.
Пераможцамі гульні сталі ўдзельнікі каманды 5 “В” класа “Зубры”. Дзеці, якія любяць чытаць, самыя шчаслівыя дзеці! І таму задача школьнага бібліятэкара – захапляць кнігамі як мага больш вучняў, каб шчаслівейшай была наша краіна.